“Nirekin hasi euskaraz” kanpaina, Eibarko ostalaritzan

“…eta kitto! Euskara Elkarteak” “Nirekin hasi euskaraz” kanpaina jarriko du martxan Eibarko ostalaritzan euskararen erabilera sustatzeko.

Ekimenaren helburua da ostalaritzan zerbitzarien eta bezeroen arteko lehen harremanean euskararen erabilera bultzatzea. Askotan, lehen agurra euskaraz egiteak elkarrizketa euskaraz jarraitzeko aukera errazten du; horregatik, kanpainak lehen urratsa euskaraz ematera gonbidatzen du.

Eibarko ostalaritzak presentzia handia du herritarren egunerokoan, eta establezimendu horietan sortzen diren harremanak aukera egokia dira euskarari leku gehiago egiteko. Keinu txiki batekin —agurra euskaraz eginez, adibidez—, euskararen erabilera modu natural eta gertukoan sustatu daiteke.

Eibarko ostalaritzan, hasi euskaraz.