K-bitamina-ren atal berria: Sosola baserriaren artisau-ogiaren istorioa

K-bitamina podcasteko atal berri bat dugu entzungai: oraingoan, Aizpea Izagirre da protagonista, Sosola baserriko arduraduna, eta artisau-ogiaren atzean dagoen lana eta filosofia gertutik ezagutzeko aukera izan dugu.

“Guretzat ogia ez da produktu bat bakarrik; eguneroko lanaren eta tradizioaren emaitza.” Esaldi horrek ondo laburbiltzen du atal honen muina: belaunaldiz belaunaldi transmititutako jakintza, ofizioarekiko errespetua eta kalitatearen aldeko apustu irmoa.

K-bitaminaren atal honetan, besteak beste, honako gai hauek lantzen dira:

• Artisau-ogia eta tradizioa: modu tradizionalean egindako ogiaren balioa eta atzean dagoen lana.
• Belaunaldien arteko transmisioa: jakintza eta ofizioa familiatik familiara nola igaro diren.
• Tokiko merkataritza eta gertutasuna: herriko saltokiekin eta azokarekin duten harremana.
• Sustraietatik Eibarrera: baserritik Errebalgo azokara iristen den ibilbidea.

Sosola baserrian ekoitzitako ogia herriko hainbat saltokitan banatzen da, eta zuzenean ere eskaintzen dute gaur egun Errebalen kokatutako azokan. Sustraiak, ofizioa eta gertutasuna uztartzen dituen elkarrizketa da gaurkoa.

Aizpearen eta Sosolaren historia ezagutu nahi duzu? Entzun K-bitamina-ren atal osoa eta murgildu artisau-ogiaren munduan, tokiko ekoizpenaren eta Eibarko merkataritzaren bihotzean.