Gaur arratsaldean, 17:00etatik aurrera, Untzaga plazan irekiko da Gabonetako txirrista. Instalazio honek aurreko urteetako izotz-pista tradizionala ordezkatzen du, eta eibartarrentzat eta bisitarientzat festa hauetako ezusteko handienetako bat izango dela dirudi.
Txirrista haur eta helduentzat egongo da eskuragarri, familian edo lagunekin gozatzeko plan dibertigarri bat eskainiz. Txirristatik jaitsi nahi baduzu, 3 euro ordaindu beharko dituzu lau jaitsierengatik. Hala ere, tokiko saltokietan egindako erosketak egiteagatik Eibarko Merkataritza Gune Irekiko bonua izanez gero, txirrista doan erabili ahal izango duzu.
Gabonetako txirristaren ordutegia:
- Abenduaren 20an. Urtarrilaren 6an: 17:00etatik 21:00etara
- Abenduaren 21, 22, 23, 26, 27, 28, 29 eta 30ean. Urtarrilaren 2, 3 eta 4an: 11:00etatik 14:00etara eta 17:00etatik 21:00etara.
- Abenduaren 24an eta 31n. Urtarrilaren 5ean: 11:00etatik 14:00etara eta 17:00etatik 19:30era
- Abenduaren 25ean. Urtarrilaren 1ean: itxita
Umeen gabonetako parkea Astelena pilotalekuan
2024ko abenduaren 7tik aurrera, larunbata, jolas-gunea irekiko da, eta 2025eko otsailaren 15era arte egongo da eskuragarri. Zerbitzua zabalik egongo da 11:00etatik 14:00etara eta 16:30etik 20:30era, familia osoarentzat ondo pasatzeko orduak bermatuz.
Espaziorako sarrera 3 eurokoa izango da pertsona bakoitzeko, eta, txandek gehienez, 90 iraupena izando dute. Hala ere, tokiko saltokietan gutxienez 20 euroko erosketarekin lortutako merkatarien bonua dutenek doan baliatu ahal izango dute gune hori. Gainera, edukiera 150 umekoa da saio bakoitzeko, esperientzia erosoagoa eta seguruagoa ziurtatuz.
