Gabonetako argiztapenaren pizte ofizialarekin hasi dira Eibarko Gabonak. Oraingo honetan, haur talde batek sakatu zuen argiak pizteko botoia, horrela eman zitzaion hasiera, Eibarko Merkataritza Gune Irekiak (EMGI) eta Eibarko Udalak urtero antolatzen duten kanpainari. Ekitaldi honen helburua hiriko merkataritza eta ostalaritza jarduerak bultzatzea da.
Sei metroko altuera zuen Gabonetako zuhaitza eta hiriko hainbat kaletan jarritako apaingarriak piztu ziren. Argiztapen honek hiriari sasoi berezi hauetan giro paregabea eta atsegina emango die.
Aurten, piztea ohiko daten aurretik izan da, era honetan, San Andres jaiekin bat egiteko. Argiak piztu ondoren, Errebalen txokolatada egin zuten.
Ekitaldian erakundeetako ordezkari nabarmenak izan ziren, hala nola Azahara Domínguez, Gipuzkoako Aldundiko Mugikortasun, Turismo eta Lurralde Antolaketako diputatua, Libe Otegui Turismo zuzendaria, Jon Iraola Eibarko alkatea eta hiriko merkataritza eta ostalaritzako ordezkariak.
Beraz, hiria argituta, Eibar ekintzaz, sorpresaz eta jai giroz betetako Eguberrietarako prestatzen hasi da.
